記得小學的時候, 學校有一個例行的聽覺檢查, 佢哋話我聽覺有點弱… 所以星期六, 不用上課的早上, 我老豆帶咗我去某某的地方, 入了一部好大傢巴士, 但係入面唔係我平時坐。果D座位, 而係放到周地都係傢儀器, 跟住有一個四眼佬要我聽往個耳筒… 之後要我話比佢知, 如果聽到那些“叮叮叮”的聲音…
那些“叮叮叮”的聲音越來越來細, 最後我只係聽到架巴士裡面的回音, 我覺得有點煩, 因為我聽唔到咩叮叮叮的聲音,回音越來越來大, 但係個四眼佬一樣冇叫我停… 我變得有點緊張, 而我開始懷疑自己係咪真係一個聾仔… 好怕我聽唔到D叮叮叮的聲音, 就要我去讀那些特殊學校… 反而只聽到心跳的聲音越來越來快, 但係這是我第一次聽到那“仆仆 仆仆”的心跳聲… 這時我感覺到很奇妙, 聽不到那些叮叮叮的聲音, 而係第一次很淸晰聽到自己活著的聲音…
今天… 很喜歡聽好噪的搖滾樂, 帶上耳筒而什麼也不去想,只是投入在節奏和音符上…周未會到熱鬧的地方, 一起和老友大叫大笑…放工塞車的時候會關掉收音機, 聽聽那街道的聲音…但係今天聽覺有點弱的我, 聽不到那天活著的聲音…
How can we hear?
